Ch1 ແນະນຳ NodeJS (NodeJS ແມ່ນຫຍັງ?)
ກ່ອນຈະເລີ່ມລຸງຈະມາຈົ່ມໃຫ້ຟັງກ່ອນວ່າ ການເລີ່ມບົດຄວາມນີ້ແມ່ນການເລີ່ມຕົ້ນແບບຈິງຈັງກັບການຫັນມາໃຊ້ NodeJS ກັນເລີຍທີດຽວ ເພາະໂປຣເຈັກຕ່າງໆ ທີ່ເຄີຍເຮັດເປັນ PHP ຕອນນີ້ມີນະໂຍບາຍໃນການຍ້າຍໄປໃຊ້ NodeJS ຫລື ຈະ Re-code ໄປເປັນ NodeJS ແທນ
ເພາະວ່າໂລກນີ້ມັນຫມູນໄປແລ້ວ ແລະ ຄົນລາວບໍ່ມີໃຜຢາກຫລີ້ນ Python ນຳລຸງ ເລີຍຕັດສິນໃຈໄປກັບຍຸກສະໄຫມເລີຍແລ້ວກັນ
ບົດຄວາມ NodeJS ຈະປ່ອຍອອກມາເປັນບົດໆ ຫລື ອາດຈະມີວີດີໂອ ອະທິບາຍອອກມາຕາມຫລັງເຊິ່ງຕອນນີ້ເຮົາໄປຮູ້ຈັກກັບ NodeJS ກ່ອນລະກັນ
ແນະນຳ NodeJS (NodeJS ແມ່ນຫຍັງ?)
Node.js ຄິດຄົ້ນໂດຍ Ryan Dahl ເປີດໂຕເວີຊັ່ນທຳອິດ ເມື່ອປະມານກາງປີ 2009 ເປັນພາສາທີ່ເຮັດວຽກຢູ່ໃນຝັ່ງ Server ຕົວໜຶ່ງ ຊຶ່ງ Syntax ທີ່ໃຊ້ໃນການຂຽນກໍຄື JavaScript ແລະເປັນພາສາທີ່ອອກແບບມາໃຫ້ເຮັດວຽກແບບ Event-Driven ຫລືເຮັດວຽກເມື່ອເກີດເຫດການຕາມທີ່ກຳນົດໄວ້ ແລະການເຮັດວຽກງານແບບ Asynchronous ຊຶ່ງສາມາດເຮັດວຽກໃນລຳດັບຕໍ່ໄປໂດຍທີ່ບໍ່ຕ້ອງລໍ ໃຫ້ຄຳສັ່ງກ່ອນໜ້າສຳເລັດກ່ອນແລ້ວຈຶ່ງ ເຮັດວຽກຂັ້ນຕໍ່ໄປ ແຕ່ກໍສາມາດກຳນົດໃຫ້ເຮັດວຽກແບບ Synchronous ໄດ້ເຊັ່ນກັນ ໂດຍການກຳນົດ Callback ເມື່ອເຮັດວຽກສຳເລັດແລ້ວ ນອກຈາກນີ້ Node.js ນັ້ນຈະໃຊ້ Compiler ຈາກ Google JavaScript Engine V8
Database Support
– MySQL
– Postgres
– MongoDB
– SQLite ເປັນຕົ້ນ
ຂໍ້ດີຂອງ Node.js
– Free Open Source
– ມີການ-ເຮັດ-ວຽກງານແບບ Event-Driven ແລະ Asynchronous
– ຮອງຮັບ Concurrent ໄດ້ຈຳນວນຫລາຍ
– ເໝາະກັບການເຮັດ Web ແບບ Real time
– ປະຫຍັດຊັບຍາກອນ ໃນການເຮັດວຽກ
– ມີການປະມວນຜົນທີ່ວ່ອງໄວ
– Syntax ທີ່ໃຊ້ຄືກັບ JavaScript
ປະຈຸບັນເຕີບໂຕໄວຫລາຍ ມີ Library ຫລາຍກວ່າ 500,000 Package ແລ້ວໃນ npm ຂໍ້ມູນໃນເດືອນ ຕຸລາ 2017
ປະຈຸບັນ NodeJS ຖືກນຳມາເຮັດເປັນ Web Server , Mobile Hybrid , IOT , Webkit , TVOS ,OS ອື່ນ ໆອີກຫລາຍ ຮຽກໄດ້ວ່າເຂົ້າເຖິງໄດ້ຫລາກຫລາຍເທກໂນໂລຍີ
ເຫດຜົນທີ່ໄດ້ຮັບຄວາມນິຍົມຫລັກ ໆຄື
ຂຽນໂຄ້ດ [ເຂ້າໃຈ] ໄດ້ງ່າຍ
ມີ Library ຟຣີຫລວງຫລາຍ
ໃຊ້ຊັບຢາກອນນ້ອຍ
ຮຽນຮູ້ໄດ້ໄວສຳລັບໂປແກມເມີທຸກໆລະດັບ
ເອົາເປັນວ່າ ເຮົາມາບັນຍາຍສັບພະຄຸນກັນເທົ່ານີ້ກ່ອນ ບົດຄວາມຕໍ່ໆໄປກໍອາດຈະເປັນການ Hello World ແລ້ວລະ ເນາະ
