Outhai SAIOUDOM ( Os) , Os555, ລຸງໂອ້ດ, LoungOs, UngleOs, XW1OS Official Website...
ອຸໄທ ໄຊອຸດົມ | Outhai SAIOUDOM
ເຖິງເສັ້ນທາງຈະຫວ່າງເປົ່າ ແລະມົວຫມອງ ແຕ່ຫາກໃຈເຮົາມີເປົ້າຫມາຍແລະຄົ້ນພົບຈຸດທີ່ຈະມຸ່ງຫມັ້ນໄປ ເຮົາກໍຈະໄປຮອດຝັ່ງຝັນໄດ້ໃນທີ່ສຸດ. ຫລານໆລຸງຈົ່ງຕັ້ງໃຈ ແລະມີສະຕິ ເພື່ອທີ່ຈະຄົ້ນພົບຫົວໃຈໂຕເອງ ແລ້ວກໍຕາມມັນໄປໃຫ້ຮອດປາຍຝັນ. ຢ່າໄດ້ໃຫ້ອາລົມມັນມາປິດກັ້ນຈິນຕະນາການຂອງເຮົາໄດ້. ລົດອາລົມແລ້ວໃຊ້ຫົວໃຈໃນການຄິດຫລາຍໆ. ລຸງໂອ້ດ ປລ. ພາບໂດຍລຸງໂອ້ດເອງ ຖ່າຍລະຫວ່າງຖີບລົດໄປທາງສັງທອງ
ມີເງິນເປັນລ້ານ ກະກັບໄປຊື້ມື້ວານຄືນມາບໍ່ໄດ້ ຄຳນີ້ເຮົາມັກຈະໄດ້ຍິນຕລອດໆ ເຊິ່ງຈະເປັນສິ່ງທີ່ຊ່ວຍເຕືອນໃຫ້ເຮົາຮູ້ໂຕວ່າ ຫາກເຮົາໄດ້ເຮັດຫຍັງອອກໄປແລ້ວ ຫລືໄດ້ເວົ້າຫຍັງອອກໄປແລ້ວ ຈະເອົາຄືນກັບມາບໍ່ໄດ້. ສະນັ້ນກ່ອນຈະເຮັດຫຍັງ, ເວົ້າຫຍັງ, ຫລືຕັດສິນໃຈຫຍັງ. ກໍຂໍໃຫ້ຄິດໃຫ້ດີໆກ່ອນ ແລະເຮັດດ້ວຍຄວາມຕັ້ງໃຈ ແລະມີຄວາມສຸກ ເພາະມື້ວານມັນຫວນກັບມາບໍ່ໄດ້ ແຕ່.. ຫາກມື້ວານມັນກັບມາບໍ່ໄດ້ກະໃຫ້ຫາທາງອອກແລ້ວກໍຕັ້ງໃຈກັບມື້ນີ້ແລະເຮັດໃຫມ່ທຳໃຫມ່ໃຫ້ດີທີ່ສຸດ.
ມະນຸດໂລກທຸກຄົນຍ່ອມມີຊ່ວງເວລາທີ່ຕົກຢູ່ໃສພາວະສັບສົນ,ຢ້ານກົວ ວິຕົກກັງວົນ ລຸງແນະນຳໃຫ້ຫລານໆຈົ່ງໄດ້ຕັ້ງສະຕິ ແລ້ວຄິດຫາທາງອອກໄປເທື່ອລະຂັ້ນ,ປຶກສາຄົນທີ່ມີປະສົບການ ແລ້ວຈະພົບທາງອອກທີ່ດີແນ່ນອນ.
ຕຣາບໃດທີ່ຍັງມີແສງຕາເວັນ ເຮົາກໍຈະຍັງຮູ້ສຶກຮ້ອນຢູ່ຕະຫລອດເວລາ. ປຽບເຫມືຶນກັບວ່າມີເພື່ອນດີ ເຮົາກໍຈະຮູ້ສຶກອົບອຸ່ນຢູ່ສະເຫມີ ແຕ່ຫາກມີເພື່ອນຈັງໄຮ ກໍຈະຮູ້ສຶກຫມຸດເຫັບຫມຸດຫມັດ ຢູ່ໃນຫມາກຫົວໃຈ ເຫື່ອໄຫລໄຄຍ້ອຍ…