ຈືນຫມາກເຂືອຫຳແຫລ້

ຄວາມຈິງແລ້ວ ມັນບໍແມ່ນຊື່ຫມາກເຂືອຫຳແຫລ້ດອກ
ແຕ່ມັນມີຫມາກເຂືອຫຳມ້າທີ່ສີແຫລ້ຄືກັນຕ່າງແຕ່ວ່າຫນ່ວຍຍາວໆ ກໍເລີຍ ເອີ້ນວ່າຫມາກເຂືອຫຳແຫລ້ ຫະຫະ

ສຳລັບບລັອກນີ້ ແມ່ນຈະບັນທຶກກ່ຽວກັບການເຮັດຈືນຫມາກເຂືອ

ເຊິ່ງ ວິທີການມີດັ່ງຕໍ່ໄປນີ້:

1. ເລີ່ມຕົ້ນຈາກການ ຊອຍຫມາກເຂືອໃຫ້ເປັນຕ່ອນບາງໆ

*ເຄັດລັບ: ຕອນຊອຍຫມາກເຂືອແມ່ນໃຫ້ແຊ່ນ້ຳ ເພາະຈະເຮັດໃຫ້ຫມາກເຂືອບໍ່ດຳ

2.ຫລັງຈາກຊອຍແລ້ວໃຫ້ຍົກອອກມາໃຫ້ສະເດັດນ້ຳໄວ້ ຍິ່ງແຫ້ງຍິ່ງດີ ເພາະຖ້າຫມາກເຂືອແຫ້ງຈະຍິ່ງກອບຕອນຈືນ

3. ວິທີປຸງແມ່ນ

1ໃຊ້ຜົງຄະນໍ
2 ນ້ຳສະອິວ

ຄົນໃສ່ພໍປະມານແລ້ວຊາວໆໆໃຫ້ເຂົ້າກັນດີ

4. ຈາກນັ້ນກໍຄ້າງຫມໍ້ໃສ່ນ້ຳມັນ ໄຟຮ້ອນປານກາງກໍເອົາຫມາກເຂືອລົງຈືນໄດ້ເລີຍ

ກະວ່າຫມາກເຂືອເຮົາສຸກພໍດີແລ້ວກໍຕັກອອກມາໄດ້ເລີຍ ສ່ວນຜູ້ທີ່ມັກກອບກໍຮັດໃຫ້ກອບໄດ້ຕາມໃຈມັກ

ເອົາເປັນວ່າບັນທຶກໄວ້ເທົ່ານີ້ລະກັນລືມ…..