ໄວ້ອາໄລ Chester Bennington ນັກຮ້ອງນຳ ວົງ Linkin Park
ນອນຕື່ນຂຶ້ນມາ ລຸງເຫັນຂ່າວນີ້ແລ້ວຮູ້ສຶກເສຍໃຈຫລາຍ ຈື່ງໄດ້ຂຽນ ບລັອກນີ້ ເພື່ອໄວ້ອາໄລ Chester Bennington ນັກຮ້ອງນຳ ວົງ Linkin Park
LP ເປັນວົງທີ່ລຸງ ຟັງມາຕັ້ງແຕ່ກ່ອນທີ່ເຂົາຈະບູມ ຢູ່ບ້ານເຮົາ ທີ່ຕັ້ງໃຈຟັ້ງແທ້ໆ ກະ Hybrid Theory ເປັນຕົ້ນມາ ຫລັງຈາກມັນບູມແລ້ວ ລຸງກະຫນີໄປເປັນ ແຟນເພັງ EMINEM ແທນ
ເຖິງແນວໃດກໍຕາມ ລົງກໍຍັງຟັງແລະຕິດຕາມມາຕະຫລອດ ຈົນຮອດມື້ນີ້ Chester ຈາກໄປດ້ວຍການແຂວນຄໍ (ສາເຫດແຮງຈູງໃຈແມ່ນຍັງບໍ່ຢືນຢັນ ແຕ່ບອກວ່າມາຈາກໂລກຊຶມເສົ້າ) ສະແດງຄວາມໄວ້ອາໄລຢ່າງາສຸດຊຶ້ງ
ແຕ່ປະເດັນທີ່ລຸງຈະເວົ້າໃນມື້ນີ້ແມ່ນເລື່ອງສາເຫດຂອງການຂ້າໂຕຕາຍ ກໍຄືໂລກຊຶ້ມເສົ້າ
ໃຜເຄີຍເປັນໂລກຊຶມເສົ້າແດ່?
ລຸງວ່າມັນໂຫດຮ້າຍຫລາຍ ເພາະ ບໍ່ມີສິ່ງໃດທີ່ຈະທຳຮ້າຍເຮົາໄດ້ ນອກຈາກ ຫົວໃຈແລະຄວາມຄິດຂອງເຮົາເອງ
ລຸງເອງເຄີຍປະສົບກັບປັນຫາ ແລະຈົມກັບຄວາມຄິດຂອງໂຕເອງຢູ່ຫລາຍມື້ຫລາຍອາທິດ (ຄົງອາດຈະເປັນຍ້ອນປັນຫານັ້ນບໍ່ຫນັກໄປຫລາຍ)
ສຸດທ້າຍ ກໍຜ່ານມັນໄປໄດ້ ເພາະ ມີຄົນທີ່ຢູ່ທາງຂ້າງຄອຍເປັນກຳລັງໃຈ ມີພໍ່ແມ່ ອ້າຍເອື້ອນນ້ອງ ນອກນັ້ນຍັງມີເມຍເປັນທີ່ປຶກສາໃຫ້ກຳລັງໃຈ
ລຸງຄິດວ່າ ການທີ່ມີປັນຫາ ຫລື ມີຄວາມຄິດທີ່ເຮັດໃຫ້ບໍ່ສະບາຍໃຈແລ້ວເກັບໄວ້ຄົນດຽວມັນເຮັດໃຫ້ເຮົາຈົມປັກໄປກັບຄວາມຄິດຂອງເຮົາເອງ ສະນັ້ນ ເວລາໃດກໍຕາມທີ່ຄິດວ່າຕົວເອງພົບປັນຫາ ຫລື ຄິດຫຍັງບໍ່ອອກ ໃຫ້ຫາຄົນທີ່ຄິດວ່າຈະໃຫ້ຄຳແນະນຳໄດ້ ແລ້ວກໍລອງຫາຄຳຄິດເຫັນຈາກເຂົາເຈົ້າມາປະຍຸກໃຊ້ໃນຊີວິດ
ນອກນັ້ນຍັງມີວິທີຊ່ວຍຜ່ອນຄາຍໄດ້ເຊັ່ນ: ການຫລິ້ນເກມ, ອ່ານຫນັງສື, ຟັງເພງ ຫລື ຫາຫຍັງທີ່ຄິດວ່າມ່ວນໆເຮັດ
ຂໍເປັນກຳລັງໃຈ ໃຫ້ຫລານໆ ທຸກຄົນຈົ່ງມີກຳລັງໃຈທີ່ເຂັ້ມແຂງ ມີແຮງຕໍ່ສູ້ກັບໃຈໂຕເອງ ແລະ ໂລກສົງສານແຫ່ງນີ້ ໄປພ້ອມໆກັນກັບລຸງ
ຈະຊຶມຈະເສົ້າປານໃດກໍຕາມ ການຕາຍບໍ່ແມ່ນທາງອອກສຳລັບປັນຫາ
#ລຸງໂອ້ດ
Ref: ຂ່າວ
https://pantip.com/topic/36686159
http://www.bangkokbiznews.com/news/detail/765525
ອ່ານເພີ່ມ ກ່ຽວກັບ ໂລກຊຶມເສົ້າ
https://th.wikipedia.org/wiki/%E0%B9%82%E0%B8%A3%E0%B8%84%E0%B8%8B%E0%B8%B6%E0%B8%A1%E0%B9%80%E0%B8%A8%E0%B8%A3%E0%B9%89%E0%B8%B2
