ເປີດໂຕ www.saioudom.com ຢ່າງເປັນທາງການ

ສະບາຍດີ ແລະທັກທາຍພໍແມ່ພີ່ນ້ອງ ທຸກໆທ່ານ ທີ່ຫລົງເຂົ້າມາອ່ານບົດຄວາມນີ້

ຫລັງຈາກທີ່ເວັບ www.os555.com ຕາຍໄປກັບຮາດດິສເຊີບເວີເຄື່ອງເກົ່າ ຂ້າພະເຈົາກໍບໍ່ໄດ້ມີໂອກາດຂຽນເວັບລັອກອີກເລີຍ ລະຫວ່າງນັ້ນກໍໄປງົມໂພສລົງແຕ່ Twitter / facebook ເຊິ່ງຫາກກັບມາເບິ່ງແລ້ວຖືວ່າມັນເປັນການໂພສຂໍ້ຄວາມທີ່ສູນເປົ່າໄຮ້ຄວາມຫມາຍ ເພາະ ມັນເປັນການຍາກເຫລືອເກີນທີ່ຈະກັບໄປອ່ານບົດຄວາມທີ່ຂ້າພະເຈົ້າເອງໄດ້ຂຽນໄປກ່ອນຫນ້ານີ້
ດັ່ງນັ້ນຂ້າພະເຈົ້າຈຶ່ງໄດ້ຕັ້ງໃຈວ່າຈະຫັນເອົາທຸກຢ່າງທີ່ຊີວິດຂອງຂ້າພະເຈົ້າຈະບັນທຶກໄວ້ໃຫ້ປວງຊົນໄດ້ອ່ານເຊັ່ນວ່າ:

-ບັນທຶກປະສົບການຊີວິດ
– ບັນທຶກການເຮັດວຽກ
-ບັນທຶກການຂຽນໂປຣແກຣມ
-ບັນທຶກການແກ້ໄຂປັນຫາຕ່າງໆ
-ບັນທຶກບົດຮຽນກ່ຽວກັບວິທະຍຸສະຫມັກຫລິ້ນ
-ເທັກນິກແລະການນຳໃຊ້ຕ່າງໆ

ເທົ່າທີ່ຂ້າພະເຈົ້າຈະຂຽນໄດ້ແມ່ນຈະເອົາມາລົງໄວ້ບ່ອນນີ້ເພື່ອກັນລືມ ແລະ ເພື່ອແບ່ງປັນໃຫ້ຜູ້ຄົນອື່ນໆໄດ້ອ່ານນຳ

ເອົາເປັນວ່າເທົ່ານີ້ລະເນາະຕ້ອນຮັບກັນພໍຫອມປາກຫອມຄໍແລ້ວຈະທະຍອຍເອົາບົດຄວາມເກົ່າມາລົງໃຫ້

ດ້ວຍຄວາມຮັກແພງ

ລຸງໂອ້ດ.

ປລ. ໃນຊ່ວງນີ້ອາກຈະມີບາງລ໋ອກທີ່ຂຽນບັນທຶກຄືນຫລັງເດີ້ສະນັ້ນອາດເຮັດໃຫ້ ວັນທີ່ກັບເຫດການບໍ້ສອດຄ້ອງກັນປານໃດ